Adios de Blima

Fuente: facebook Blima: https://www.facebook.com/blimamusic


"Hola a toos/toes.

Dende BLIMA tamos convencíos que cualesquier proyecto, del tipu que seya, tien que tener un principiu ya un final. De lo contrario, esiste'l riesgu de nun ser consecuente con too aquello polo qu'un día s'entamó a trabayar. O, lo que ye pior, ábrese la posibilidá de llegar a defraudar a esa xente a la que-y presta lo que faes.

Por eso, queremos comunicavos que BLIMA, dempués de 7 años d'actividá, dexa de trabayar como formación.

Dende Xineru de 2006, algamamos munches de les coses coles que un día suañamos, faciendo la música na que creyíamos y dándola a conocer en tolos sitios onde tuvieron a bien contar con nós. A ellos (países, xente, amigos): gracies.

Grabamos dos discos, nos que contamos con munchos de los músicos, lletristes y téunicos a los que más admiramos, y colos que tenemos vivíes munches y bones coses. Tamién a ellos, munches gracies.

A Xurde, Silvia, Dani, David, Diego... y toos aquellos qu'en dalgún momentu tamién fuísteis BLIMA, l'abrazu más grande que vos podáis imaxinar.

Y les gracies más importantes, les infinites, a toos vosotros.
Los que mos sentísteis en dalgún conciertu, los que comprásteis y/o disfrutásteis la nuesa música. Los que pusísteis pilancos. A les 819 persones que dixeron "me gusta". A ti.

GRACIES.

Mapi, Fernando, Gonzalo, Marcos, Cabín."